3 Nov 2009 (二)

今日同奶奶傾計，亦帶出我哋呢班怪人生活上嘅悲哀！

話說星期四係觀音旦，星期日係施施過大禮嘅大日子，再下一個星期日係施施同小白嘅婚期，對於一連串嘅FUNCTION確實有D疲累，況且巳經唔係後生仔女，大家又有自己個人生活上嘅憂慮同担子，而我哋呢種人仲多咗D無形枷鎖，要學識點樣去平衡同處理，真係唔容易，而家我哋就好似迷途羔羊一樣，好想搵到一個可以容身嘅空間，但講咁易咩！

話講番轉頭，老爺同奶奶養咗隻西施都好耐，正一老狗叫做(阿水)，佢本身成日都生毛朖虫夠晒辛苦，最近仲發現有心臟病TIM，老爺担心到死，可以話茶飯不思，仲心神不定，今日奶奶CALL我話佢成日發神經，好鬼煩，我唯有輕輕咁同老爺講D說話LA，但講得多又好似我偏幫老爺咁，奶奶起勢咁數，我都冇晒符，唯有講出我感覺到嘅嘢比佢知，可能老爺睇到(阿水)嘅前路堪虞，所以份外緊張，仲有佢有呢種能力唔係佢自己揀嘅，天生嘅又可以點啫，有時同親人講自己見或感覺到嘢，家人又唔SUPPORT，可以點啫？久而久之咪放喺心度唔講囉，跟住成家人都話你(孤獨精無人同)，唉！我都DUN老爺淒涼！我講完之後奶奶話，哦！原來係咁，又係嘅我唔知麻，我勸佢體諒下啦，佢都唔想，仲有喎如果唔係佢有呢種能力，你都番唔到LAI，希望奶奶明白，日後大家相處會好D！